كل شيء يلتبس امام المجزرة .
لا اي منطق ولا اي شيء يقنعني باي شيء.
الى الشارع
لا لتفريغ الطاقات فقط
لاعلان موقف مؤثر
كل شيء عادي ومتوقع اه نعم. وطبعا القادم أخطر. وأسئلة كبيرة تملأ قلبي المتألم وقلوب كلنا ..قصف قتل ..مهو مش جديد بس الدم بهالكثرة والكثافة بيولد هوس جنون عند البشر، بس عادي تظاهرة صياح خبط اعتقال ..اوكي في شوية كسب يعني فجأة بيزيدو المتظاهرين بتزيد الحطات ..أجواء غضب، عادي بس للتذكير احنا مين وشو تاريخنا وأسئلة كبيرة بتكبر وبتزداد، لوين رايحين ومن وين بدنا نجيب القوة، العلم والتفوق ولا السلاح الوهمي ولا التنظير والتشرذم. ولا الموت والصمود. مش مهم افكار كتيرة بتطلع برأسي اكتر من ما الحق اكتبها. عذرا عزمي بشارة عالجزيرة . سأعود بعد قليل.
رائع هالزلمة تحليله ودقته واخلاقياته العالية.
عدت وغضب عارم زي قبل شوي مستلبسني، ولما كلشي بصير مألوف وعادي وبنفقد الايمان هون الفلم بيحل. يعني روعة تظاهرات روعة تنديدات.......... يعني شو الفائدة؟ اوكي اوكي اكيد في فائدة. أكيد في بيزيد ثقل على كفة النضال الوعي ال ال.. بس انا بدور على تغيير حقيقي لا مش متكامل بس تغيير. يعني اشي بيشبه حرب تموز بالاسلوب بالبسالة بالمقاومة بالكلمة بالقيادة. والصراحة كلشي بخوفني وبيخليني افقد صوابي قبل املي. فببطل اعرف افكر متل اسا تماما، وبخلط كلشي، بخلط طموح الشخصية بالطموح الوطنية او التطلعات للحرية الاستقلال، او يعني استرداد حق، أفتقده من لما خلقت وفهمت انا مين ووين انولدت. بس ببقا دايما افكر انه لتنقلب الاية وهذا اكيد مش خايفة، بس سؤال بيجنني أنا دوري وين وشو تحديدا؟ يعني الامكانيات كتيرة، بس كيف ممكن الاقي دوري الانجع اللي رح يجيب اكتفاء ذاتي حقيقي ومش سطحي يعني وتغيير نوعي بعض الشيء في اي مجال رح ادخله بحياتي لأنه هاجس التغيير يلازمني.. اقصد تغيير حقيقي .
هلوسات هلوسات كأني بفقد الوعي والصلة مع الواقع!
ممنوع نضيع البوصله.
ممنوع ممنوع ممنوع
يعني المشكلة مشكلتنا بالقيادات اللي بتتواطأ، وبتضيه البوصلة.
صمود الفلسطينيين والتمسك في قضيتنا هو الاساس.. عندما نرى كل هذه الدماء ..تتلخبط المعايير لوهلة.. الا انّ الكرامة مكلفة في وضعنا التاريخي في ظل سياسة الزعما العرب اللي بايعينها. بس شي اكيد انه الناس والشعوب شايفي الصورة غير، يلا نقوم نغير